نشاطنا

بيوم التطوع العالمي .. كل عام والخير اللي جواكم باقي، ومتطوعيننا والمتبرعين وكل حدا بيدعمنا، بكل خير وعافية، كل عام وهالدنيا اللي مليانة معاناة، مليانة كمان بناس قلوبها حنونة.. هالحنان اللي بيغلب السوء والألم دايمًا

يومٌ جديرٌ أن نبتسمَ فيه عندما جعلنا الأطفال تبتسم ، نبدأه معكم بدفئ أيديهم واجسامهم و بداية جديدة لكل خير حيث قامت #جمعية الحياة بتوزيع الألبسة الشتوية و الأحذية و تقديم الهدايا في قرى ناحية بلبل  ( شرقلي، عوكان، بالي، توبال محمود، قسطل مقداد، قاشا، كوتانلي، اليابسة، قوطان، بركش، صاغر، عشوني، هوزان ) بالأضافة إلى

صور من توزيع #جمعية الحياة مادة الخبز على العوائل في ناحية بلبل في كل من  ( قرية قورنة – قرية بالي – قرية توبال محمود – مخيم  بلبل المركز ) كي نعينهم على تجاوز المأساة الإنسانية   شكرا لمن تبرعّ واعان

ما في أجمل من أنك تكون سبب بإسعاد عائلة مهجّرة؛ تزين خيمهم بلقمات شهية، وتحسسهم بأنك حاسس فيهم وبمعاناتهم!   .. صور اثناء توزيع #جمعية الحياة سلل غذائية ل أهلنا في مخيم معمل البيرين في ريف عفرين   شكرًا لكل الأيادي والقلوب، التي ما زالت تمتد بالعون ….  

صور أثناء توزيع #جمعية الحياة وجبات طعام للعوائل بهالأيام المريرة   في مخيمات ( الطيب – معردبسة – أورم الكبرى )   صحة وألف هنا يارب 🩵

المزيد من الجمال ومن صور توزيع جمعية الحياة الألعاب و الهدايا على الأطفال المتواجدين في المخيمات ( كفروما – الهول – المدرسة ) في ريف سرمدا   يوم هالأطفال كان مميز ومليان فرح 🩵 فرحتهم هي فرحتنا

فرحة عائلة مهجّرة وتخفيف ألمها ممكن تكون انت سببها لما تخصّص أُضحيتك إلها ولعوائل بنفس وضعها..   صور أثناء توزيع #جمعية الحياة حصص أضاحي للعوائل القاطنة بالمخيمات ومناطق ريف راجو وريف بلبل بالإضافة لتوزيع حلوى العيد للأطفال وزكاة مال وقدرها 53 الف ليرة تركية   بركةُ أضاحيكم وصلت للنازحين .. تقبـل الله منكم

معادلة بسيطة بأجر عظيم! قليل من إحسانكم مع همّتنا رغم التعب والصيام بتساوي فرحة عائلة بوجبة إفطار تجتمع عليها بقلوب مرتوية وأجر مضاعف بميزانكم .. حاجتهم النا ولخيركم اللي مسيّرنا على طريقهم كان ومازال بجدد فينا الهمّة والإقبال 💙   مقتطفات من توزيع وجبات إفطار صائم ضمن  مخيم  23 في ريف عفرين .

بكل إيد من أيادينا في خير كثير لازم نقطفه ليوصل لأهلنا المحتاجين بهالظروف القاسية ، الحمد لله تم توزيع سلل غذائية على أهلنا في مخيم القبو ..   خيركن مهما كان صغير بيعمل فرق🙏🏻

مازال عطاؤكم بالحب مستمر ..   صور من توزيع سلل غذائية على ( مخيم الأسمنت )   لا يمكن للصورة نقل الأثر، لكن تبرعاتكم قادرة على قلب الحزن في الخيام.. لبهجة وأمل💙